Shenim: Cmimi i dhomes perfshin transferten falas nga dhe per ne Aeroportin Nderkombetar te Tiranes. Kjo oferte eshte e vlefshme vetem pasi te keni bere pagesen per hotelin dhe nese na dergoni nepermjet e-mailit detajet e sakta te fluturimit (numrin e fluturimit dhe kohen e mberritjes). Nje nga shoferet tane do t'ju prese tek dalja me nje tabele "Albania Holidays”. Ju lutemi t'i tregoni shoferit voucherin tone.

Pozicionuar në bulevardin kryesor të Tiranës, në afërsi te ministrive, presidencës dhe ambasadave të ndryshme, ky hotel është kthyer në një vend takimesh të botës ndërkombëtare të biznesit, politikës dhe artit. Ka hotele ekzekutive dhe pastaj vjen Hotel Europapark në Tirane. Një nga hotelet më ekskluzive në Tiranë ku gjeni mikpritjen shqiptare, një arkitekturë tërheqëse të cilës i shtohet dhe shërbimi i klasit të parë. Arkitektura e tipit te hapur krijon një ambient dhe atmosferë tërheqëse dhe çlodhëse të kombinuar me standarde te larta sigurie. Me cilësinë e larte, standardet evropiane dhe sallat e konferencave, ky hotel është në gjendje të tërheqë dhe te ruaje një klientelë ekslusive biznesi vendase dhe te huaj. Madje hoteli ofron edhe një salle konferencash nën hijen e palmave, në kopshtin e tij te mrekullueshëm me stil mesdhetar dhe një ambient çlodhës edhe pse je gjate orarit të punës. Europapark është me të vërtetë një hotel biznesi që di si ti “llastoje” klientët e tij.

Dhomat 
Secila nga 136 dhomat është kompletuar dhe mobiluar me shumë shije dhe ofron komfort të shkallës më të lartë, kombinuar me një karakter rajonal tërheqës. Në të njëjtën kohë ato ofrojnë pamje të mrekullueshme të kopshtit tërheqës të tipit mesdhetar dhe pishinës së tij.